"Шагринска кожа" - Оноре де Балзак

 "Шагринска кожа" од Оноре де Балзак е реалистички роман за животот и алчноста на човекот. Се работи за млад човек кој коцкајќи ги губи сите пари и сака да се убие. Но, пред да го стори тоа наидува на волшебна продавница каде наоѓа шагринска кожа која ќе му ги исполнува сите желби, земајќи му дел од физичката енергија секој пат. Главната тема на роман е конфликтот помеѓу желбата и долговечноста.
     Рафаел де Валентин е протагонистот во ова дело непособен да ги зграви вистинските вредонсти во животот. Тој е статичен лик кој само реагира на настаните и последиците кој во поголемиот дел сам ги создал и не успева никако да дејствува врз нив.
      Валентин е прилично добар и реален пример за какви сме ние луѓето. Тој би бил личност кој би бил исполнет само со пари, кој би ја одбрал својата работа фокусирајќи се повеќе на парите одошто пасијата или љубовта кон таа работа. Целиот роман укажува на тоа дека за него парите (кои се важен фактор во животот) се најважни и  укажуваат на моќ. Толку многу му значат што бил спремен да си го одземе животот кога ги изгубил сите.
       Општеството во кое е создаден ликот во овој роман главно се фокусира повеќе на богатиот слој на народ. Луѓето се осудуваат меѓусебно базирано на тоа кој колку пари поседува. Тогаш владеела буржоазијата, па сфатливо е зошто сакал да си го одземе животот кога ги изгубил парите. Било просто во тогаш, колку пари имаш толку вредиш. Во тоа време сите било многу субјективни, за разлика од денес кога објективноста е поразвиена. Иако парите се сеуште важен дел од животот тие не се дефиниција ниту мерило за колку си човек.
      Емил е пријател на Рафаело со кој поминува забавни ноќи и на кој Рафаело му се отвара. Федора е сурова и лицемерна жена која не го цени Рафаело колку и да и се удворува Рафаело. Полина е неочекуваната љубов на Рафаело која го прави да сфати дека срцето му е празно, дека не е се до парите и дека животот е скапоцен и не го ценел доволно. Валентин е делумно свесен за тоа како го гледаат другите, но мислам и дека со се што посакал во животот исполнето не го ни засега бидејќи во тие кратки мигови каде имал се се осеќал како крал. Рафаел не е многу свесен за тоа што прави бидејќи дозволува парите и моќта да го контролираат и со намалување на кожата и неговиот живот се намалува, ослабнува и неговото психичко здравје и контролата врз себе.
     Рафаело го гледа светот сибјективно и сурово што не е многу различно од какво било тогаш. Се грижи само за себе и мисли дека моќта е главната животна цел и дека се додека има пари, жени, алкохол и пријатели успева во животот. Животот има многу аспекти и материјално дефинитивно не е најважно.
      Има луѓе што се однесуваат како Рафаело бидејќи матеијалните добра ни се толку важни во секојдневниот живот и за многу ни требаат. Но, има луѓе на кои им се најважни и кои ги злоупотребуваат и не го ценат животот за се што е туку за се што имаат. Рафаело е комплексен лик. Дозволува парите да го водат, не е многу одговорен и не може да се контролира секогаш. Иако умира на крај сепак сфаќа дека згрешил и за тој еден момент парите му беа на второ место.
       Романот на Оноре ми ги отвори очите дека ние како луѓе сме себични и алчни и дозволуваме предмети да не контролираат   и дека треба да ги цениме бесценетите работи како љубовта и животот. Уживај во животот и цени го секој момент.

Анализа на Бак од "Повикот на Дивината"-Џек Лондон

"Повикот на Дивината" од Џек Лондон е авантуристички роман во кој се работи за пресвртот на животот на кучето Бак, кое од фамилија во Калифорнија е киднапиран и однесен во Алјаска, каде ќе треба да ги влече санките на трагачи по злато во планините.. Во целиот роман се зборува за препреките кои ќе ги искуси, борбите во кои ќе се најде и физичко неподносливите услови кои ќе го пресретнат.
     Бак е главниот лик во ова дело. Тој е динамичен лик кој дејствува врз некои од настаните. Тој на еден од кучињата Сол-Лекс незнаејќи ќе му се приближи од слепата страна (бидејќи сол не гледа од едното око) и ќе биде нападнат, но ќе си ја сфати грешката и нема да му се повтори што за мене е пример за динамичен лик. Исто така се брани себеси.
     Бак е паметен и итар. Агресивен и снаодлив што е прилично добар приказ и за тоа какви се некои луѓе. Тој е динамична личност, кој би бил самостоен и сигурен во себе. Претрпува многу работи и според мене би бил и многу мотивирана личност. Храбар е и се бори во тоа што верува.
     Опшеството во кое живее Бак е сурово и неправедно (прилично добра репрезентација и од денешното опшстество). Тој е украден и продаван како парче месо и само неколку луѓе го третираат како живо суштество. Секое време има свои сличности и разлики, но денес се води поголема сметка за животните и казниво е нивното малтетирање.
      Франсоа (еден од споредните ликови) го гледа Бак како обично куче од кое може да прави профит и не се грижи многу за неговите чувства и потреби. Шпиц (еден од кучињата) го гледа Бак како свој најголем ривал за кој нема никаков симпатет и сакал само да му наштети. За разлика од овие два лика, ликот Тортон се грижел за Бак, бил праведен ко него и не дозволувал да го повредат. Бак го засакал Тортон, но потоа тој умрел. Бак е прилично свесен за тоа како го гледаат останатите. Знае дека не се сакаат со Шпиц, гледа дека Тортон се грижи за него и приметува дека многу од ликовите го третираат како обично животно кое е често измачувано. Затоа и неговите инстинкти на време се да се брани себеси. Тој е свесен што прави и разбира дека има праведни и неправедни последици за тоа.
     Кучето Бак го гледа светот како не фер плеј. Тоа што ќе си посееш не мора да значи и дека ќе си го жнееш. Треба да се трудиш и бориш за тоа што го сакаш, да бидеш самостоен и да не веруваш на секому потполно. Овој поглед е реалистичен поготово од гледна точка на Бак кој претпел многу.
     Многу луѓе би, а и верувам се однесуваат како Бак во делото. Не знаат кои се и со тек на животот дознаваат повеќе за себе и светот. Импулсивни се и љубопитни. Бак е комплексен лик кој се истражува себеси како личност (на крај дури станува лидер на чопор волци) има многу аспекти од карактер како и од животот и сум сигурна дека долго време ќе остане во моите мисли.
     

"Панонски легенди"

     Делото "Панонски легенди" е составено од две житија, житие на Кирил и житие на Методиј. Во нив се опишува животот на создавачите на словенската писменост.
     Во житието на Кирил се работи за неговиот живот. Тој бил седмото дете во неговото семејство. Откако го завршил образованието се залагал тој за ширење на христијанството и словенската писменост. За време на неговата најважна мисија, Моравската мисија Кирил и Методиј ја создале словенската азбука.
     Во житието на Методиј нема информации за неговото потекло , но се работи за неговата посветеност кон преведување богослужбени книги на словенски јазик.
     Кирил и Методиј се најважните словенски просветители кои ја ширеле словенската писменост и христијанството. Ги создале основните темели на словенската писменост како и првата словенска азбука глаголицата.
     Делото "Панонски легенди" според мене е суштински важно, бидејќи преку него го осознаваме значењето на браќата просветители, и воопшто нивните дела. За секоја генерација независно на возраста, ова дело пренесува значајна порака преку која читателот има можност да разбере и научи колку е вреди она за кое се залагале Кирил и Методиј, а без кое не би можеле да го замислиме секојдневието- јазикот.